“ಶಾಂತಿ ಪ್ರಕಾಶನ ಈ ನಾಡಿನ ಹೆಮ್ಮಯ ಸಂಸ್ಥೆ. ಒಂದು ಸಾಹಿತ್ಯ ಶ್ರೀಮಂತ, ಸಮೃದ್ಧವಾಗಬೇಕಾದರೆ ಅಲ್ಲಿ ವೈವಿಧ್ಯತೆ ಇರಬೇಕು. ಈ ದಿಸೆಯಲ್ಲಿ ಕನ್ನಡ ಸಾಹಿತ್ಯ ಲೋಕಕ್ಕೆ ಇಸ್ಲಾಮೀ ಸಾಹಿತ್ಯಗಳನ್ನು ಪರಿಚಯಿಸುವುದರ ಮೂಲಕ ಕನ್ನಡ ಸಾಹಿತ್ಯಕ್ಕೆ ಶ್ರೀಮಂತಿಕೆ ಮತ್ತು ಸಮೃದ್ಧಿಯನ್ನು ಶಾಂತಿ ಪ್ರಕಾಶನ ತಂದುಕೊಟ್ಟಿದೆ. "

"ಕುರ್‌ಆನ್ ಬರೇ ಮುಸ್ಲಿಮ್ ಸಮುದಾಯಕ್ಕೆ ಸೀಮಿತವಾದುದಲ್ಲ. ಎಲ್ಲರಿಗೂ ಸೇರಿದ್ದು. ಎಲ್ಲರೂ ಅಣ್ಣ ತಮ್ಮಂದಿರಂತೆ ಬಾಳುವ ತತ್ವದ ಜತೆಗೆ, ಸಹನೆ, ನ್ಯಾಯ, ನೀತಿಯನ್ನು ಅದು ಬೋಧಿಸುತ್ತದೆ."

ಇಸ್ಲಾಮ್, ಕರ್ನಾಟಕಕ್ಕೆ ಬಂದು ಸಾವಿರ ವರುಷಗಳೇ ಕಳೆಯಿತೆಂದು ಹೇಳಲಾಗುತ್ತಿದೆ. ಆದರೆ ʻಕುರ್‌ಆನ್ ವ್ಯಾಖ್ಯಾನ ಗ್ರಂಥ'ದ ಅಧ್ಯಯನದ ನಂತರ ಇಸ್ಲಾಮ್ ಇತ್ತೀಚೆಗೆ ತಾನೇ ಕರ್ನಾಟಕವನ್ನು ಪ್ರವೇಶಿಸಿದಂತೆ ಭಾಸವಾಗುತ್ತಿದೆ.

ಗ್ರೀಕ್, ಲ್ಯಾಟಿನ್ ಮೂಲಕ ಭಾಷಾಂತರಗಳಿಂದ ಇಂಗ್ಲೀಷ್ ಭಾಷೆ ವಿಕಾಸ ಹೊಂದಿದಂತೆ ಕುರ್‌ಆನಿನ ಕನ್ನಡ ಅನುವಾದದಿಂದ ಕನ್ನಡ ಶ್ರೀಮದ್ ಸಮೃದ್ಧವಾಗಿದೆ.

ಜಗತ್ತಿನ ಮಹಾನ್‌ ಧರ್ಮಗಳಲ್ಲಿ ಇಸ್ಲಾಮ್‌ ಒಂದು. ಇವತ್ತು ಅದು ವಿಶ್ವದ ಎಲ್ಲೆಡೆ ಹರಡಿಕೊಂಡಿದೆ. ವಾಸ್ತವವಾದ ಇಸ್ಲಾಮ್‌ ತತ್ವಗಳು ಎಲ್ಲರಿಗೂ ಪರಿಚಯವಾಗುವಂತಾಗಲಿ, ಜನರ ಮಧ್ಯೆ ಪರಸ್ಪರ ಪ್ರೀತಿ ವಿಶ್ವಾಸಗಳು ಬೆಳೆಯುವಂತಾಗಲಿ. ಅದಕ್ಕಾಗಿ ಶಾಂತಿ ಪ್ರಕಾಶನದ ಕೊಡುಗೆಗಳಿರಲಿ